Bilet 10

Izoh: YHQ 6-bobi 26-bandiga asosan: Haydovchilar tezkor va maxsus xizmatlarning ko'k yoki qizil yoxud ko'k va qizil rangli yalt-yalt etuvchi mayoqchalar va maxsus tovushli ishorasi yoqilgan holda yaqinlashayotgan transport vositalariga, shuningdek ularning kuzatuvidagi, yaqinni yorituvchi fara chiroqlari yoqilgan transport vositasi (transport vositalari)ga yo'l berishlari shart. Mazkur turdagi transport vositalarini quvib o'tish taqiqlanadi.

Izoh: YHQ 20-bobi 124-bandining birinchi xatboshisiga asosan, turar joy dahalarida quyidagilar taqiqlanadi: mexanik transport vositalarini boshqarishni o'rgatish.

Izoh: YHQ 1-ilovasining 1-Bo'limining oʻn birinchi xatboshisiga asosan: 1.6. «Teng ahamiyatli yo'llar kesishuvi».

Izoh: YHQ 18-bobi 118-bandining ikkinchi xatboshisiga asosan, temir yo'l kesishmasiga quyidagi hollarda kirish taqiqlanadi: shlagbaum holatidan qat'i nazar, svetoforning taqiqlovchi ishorasida. YHQ 18-bobi 119-bandiga asosan: Kesishma orqali harakatlanish taqiqlangan hollarda haydovchi to'xtash chizig'i, 2.5 yoʻl belgisi yoki svetofor oldida, ular bo'lmaganda shlagbaumga kamida 5 metr, shlagbaum bo'lmaganda esa birinchi temir yoʻl iziga kamida 10 metr qolganda to'xtashi kerak.

Izoh: YHQ 16-bobi 104-Bandiga asosan: Teng ahamiyatga ega boʻlmagan yo'llar kesishgan chorrahada, ikkinchi darajali yoʻlda harakatlanayotgan transport vositasining haydovchisi asosiy yoʻldan yaqinlashayotgan transport vositalariga, ularning keyingi harakat yo'nalishidan qat'i nazar, yo'l berishi kerak. Bunday chorrahalarda tramvay harakatlanish yo'nalishidan qat'i nazar, teng ahamiyatga ega bo'lgan yo'lda bir yoʻnalishda yoki qarama-qarshi yo'nalishda harakatlanayotgan relssiz transport vositalariga nisbatan imtiyozga ega. YHQ 16-bobi 106-bandiga asosan: Asosiy yoʻlning yoʻnalishi chorrahada o'zgarganda asosiy yo'lda harakatlanayotgan haydovchilar oʻzaro teng ahamiyatli yo'llar chorrahasidan o'tish qoidasiga amal qilishlari kerak. Ikkinchi darajali yo'llarda harakatlanayotgan haydovchilar ham o'zaro shu qoidaga amal qilishlari kerak.

Izoh: YHQ 24-bobi 142-bandiga asosan: Qattiq yoki egiluvchan ulagich yordamida shatakka olish shatakka olingan transport vositasining rul boshqaruvida haydovchi bo'lgandagina amalga oshirilishi kerak, toʻg'ri chiziq bo'ylab harakatlanganda qattiq ulagichning konstruksiyasi shatakka olingan transport vositasini shatakka olgan transport vositasining izidan borishini ta'minlaydigan hollar bundan mustasno.

Izoh: YHQ 12-bobi 86-bandining oltinchi xatboshisiga asosan, quvib o'tish quyidagi hollarda taqiqlanadi: tepalikning oxirida va yo'lning ko'rinishi cheklangan joylarida;

Izoh: YHQ 8-bobi 44-bandiga asosan, quyidagilar ogohlantiruvchi ishoralar hisoblanadi: burilishni koʻrsatadigan miltillovchi chiroq yoki qo'l bilan beriladigan ishoralar; tovushli ishoralar; chiroqlarning yoqib o'chirilishi; kunduz kuni yaqinni yorituvchi chiroqlarning yoqilishi.

Izoh: YHQ 25-bobi 150-bandiga asosan: Boshqarishni o'rgatish uchun mo'ljallangan mexanik transport vositalari “Boshqarishni o'rgatish transport vositasi” taniqlik belgisi va o'rgatuvchi uchun ulagich (ssepleniye) va tormozning qo'shimcha tepkilari, orqani ko'rsatuvchi ko'zgu hamda ushbu transport vositalarining harakat yo'nalishini nazorat qilish imkonini beradigan GPS qurilmalari bilan jihozlanishi kerak.

Izoh: YHQ 3-ilovasi 1-bo'limining 1.5-bandiga asosan: Pnevmatik yoki pnevmogidravlik tormoz yuritmasining manometri ishlamasa foydalanish taqiqlanadi. YHQ 3-ilovasi 2-bo'limining 2.1 va 2.3-bandlariga asosan: Boshqaruv qurilmasidagi lyuft yig'indisi reglament (qat'iy belgilangan) sharoitlardagi sinovlarda quyidagi ko'rsatkichdan katta boʻlmasligi kerak: M1 - 10% M2, M3, N1 - 20% N2, N3 - 25%.