Bilet 70

Izoh: YHQ 10-bobi 66-bandiga asosan: Harakat ikki tomonlama bo'lgan va chiziqlar bilan belgilangan (1.9 yo'l chizig'i bilan belgilanganidan tashqari) uchta tasmali yo'llarda, ikki yo'nalishda harakatlanish uchun mo'ljallangan o'rta qatorga faqat quvib o'tish, aylanib o'tish, chapga burilish va qayrilib olish uchungina chiqishga ruxsat etiladi. Qarama-qarshi yo'nalishda harakatlanish uchun mo'ljallangan chetki chap qatorni egallash taqiqlanadi.

Izoh: YHQ 1-ilova 2.7 bandi: 2.7 «Ro'paradagi harakatlanishga nisbatan imtiyoz». Yoʻlning tor qismida harakatlanishda haydovchi ro'paradan kelayotgan transport vositasiga nisbatan imtiyozga egaligini bildiradi.

Izoh: YHQ 1-ilovasi 7-bo'limining ikkinchi xatboshisiga asosan: 7.1.1. «Ob'ektgacha bo'lgan masofa». Belgidan yo'lning xavfli joyi, yoʻl harakatiga tegishli cheklovlar kiritiladigan joyi yoki harakat yo'nalishi boʻyicha oldindagi muayyan joygacha boʻlgan masofani ko'rsatadi.

Izoh: YHQ 16-bobi 104-bandining birinchi xatboshisiga asosan: Teng ahamiyatga ega boʻlmagan yo'llar kesishgan chorrahada, ikkinchi darajali yoʻlda harakatlanayotgan transport vositasining haydovchisi asosiy yo'ldan yaqinlashayotgan transport vositalariga, ularning keyingi harakat yo'nalishidan qat'i nazar, yo'l berishi kerak.

Izoh: YHQ 16-bobi 105-bandiga asosan: Teng ahamiyatga ega bo'lgan yo'llar kesishgan chorrahada relssiz transport vositasining haydovchisi o'ngdan kelayotgan transport vositalariga yo'l berishi shart.

Izoh: YHQ 2-ilovasi 2-bo'limining yettinchi xatboshisiga asosan: 2.6 — boshqa joylardagi to'siqlarning yon yuzalarini bildiradi.

Izoh: YHQ 13-bobi 91-bandining uchinchi va yettinchi xatboshlariga asosan, quyidagi joy va holatlarda to'xtash taqiqlanadi: bir yoʻnalishda harakatlanish uchun uchtadan kam bo'lagi bo'lgan koʻprik, yoʻl o'tkazgich va estakada hamda ularning ostida (tegishli yo'l belgilari bilan toʻxtab turish ruxsat berilgan yo'l qismlari bundan mustasno); qatnov qismida ko'rinish masofasi 100 metrdan kam bo'lgan yo'l do'ngliklari yaqinida va xavfli burilishlarda;.

Izoh: YHQ 9-bobi 60-bandiga asosan: Transport vositalarining harakat yo'nalishlari kesishadigan va o'tish navbati Qoidalarda nazarda tutilmagan hollarda haydovchi oʻng tomondan yaqinlashib kelayotgan transport vositasiga yoʻl berishi kerak.

Izoh: YHQ 21-bobi 130-bandiga asosan: Yoʻlning 1.13 yo'l belgisi bilan belgilangan qismida uzatma va ilashish mexanizmi (ssepleniye) ajratilgan holatda harakatlanish taqiqlanadi.

Izoh: YHQ 2-bobi 12-bandining uchinchi xatboshisiga asosan, haydovchiga quyidagilar taqiqlanadi: tormoz tizimi, rul boshqaruvi ishlamayotgan, ulagich moslamasi (avtopoyezd tarkibida) nosoz bo'lgan, sutkaning qorong'i vaqtida yoki ko'rinish cheklangan vaziyatlarda yonmaydigan fara chiroqlari va orqa gabarit fara chiroqlari, yomg'ir yoki qor yogʻayotgan vaqtda oyna tozalagich ishlamaydigan transport vositasini boshqarish.