Bilet 5

Izoh: YHQ 2-bob 11-bandi Transport vositasining haydovchisi quyidagilarga majburdir: z) quyidagi hollarda foydalanish uchun transport vositasini berishi shart: IIO, Milliy gvardiya, Davlat xavfsizlik xizmati va o'zbekiston Respublikasi Prezidenti davlat xavfsizlik xizmati organlari xodimlariga qonunchilik hujjatlarida belgilangan xollarda kechiktirib bo'lmaydigan xizmat vazifalarini bajarish uchun, shuningdek, yo'l-transport hodisasi tufayli shikastlangan yoki nosoz transport vositalarini olib ketish (shatakka olish) uchun (faqat yuk avtomobilidan); yo'lakay yo'nalishda kechiktirib bo'lmaydigan tibbiy yordam ko'rsatishga ketayotgan tibbiyot xodimlariga hamda zudlik bilan tibbiy yordamga muhtoj bo'lgan fuqarolarni davolash-profilaktika muassasasiga olib borish uchun. Xorijiy davlatlarning diplomatik, konsullik vakolatxonalariga va boshqa vakolatxonalariga hamda xalqaro tashkilotlarga tegishli transport vositalari, shuningdek yong'in uchirish, konvoy, inkassator xizmatlarining transport vositalaridan foydalanishga yo'l qo'yilmaydi. Transport vositasidan foydalangan shaxs haydovchi talab qilganda yo'l varaqasiga yurilgan vaqtni, bosib o'tilgan masofani, o'z ismi-familiyasi, mansabi, ish joyi nomini, yo'l varaqasi bo'lmagan taqdirda, belgilangan tartibda ma’lumot yoki xabar yozib berishi kerak. Transport vositalarini tekshirish yoki undan foydalanish huquqiga ega bo'lgan shaxslar haydovchining talabiga muvofiq o'z xizmat guvohnomasini ko'rsatishi shart. Xizmat vaqtida haydovchiga yetkazilgan moddiy va ma’naviy zarar uning talabiga ko'ra qonunchilik hujjatlarida belgilangan tartibda tiklab beriladi.

Izoh: YHQ 1-ilovasi 2-bob, 2.6. bandi: «Ro'para harakatlanishning ustunligi». Qarama-qarshi harakatlanishni qiyinlashtiradigan hollarda yo'lning tor qismiga kirish taqiqlanadi. Haydovchi yoʻlning tor qismida bo'lgan yoki ro'paradan unga yaqin bo'lgan transport vositasiga yo'l berishi kerak.

Izoh: YHQ 1-ilovasi 3-bobning 3.16. bandi: 3.16. «Eng kam oraliq». Belgida koʻrsatilganidan kam bo'ylama oraliq masofada harakatlanish taqiqlanadi.

Izoh: YHQ 14-bobi 97-bandi: Haydovchi tirbandlik tufayli majburiy toʻxtab, koʻndalang yo'nalishdagi transport vositalarining harakatlanishiga toʻsqinlik tug'diradigan boʻlsa, chorrahaga kirishi, agar to'xtash chizigʻi yoki 5.33 yo'l belgisidan oʻtib bo'lgan haydovchiga esa qatnov qismlari kesishmasiga kirishi taqiqlanadi.

Izoh: YHQ 5-bobi 132-bandi: Yo'nalishli transport vositalarining harakatlanishi uchun 5.9, 5.10.1 — 5.10.3 yo'l belgilari bilan ajratilgan tasmada boshqa transport vositalarining harakatlanishi va to'xtashi taqiqlanadi. Agar 5.9 yo'l belgisi bilan belgilangan tasma qatnov qismining boshqa tasmalardan uzuq-uzuq chiziq bilan ajratilgan boʻlsa, burilmoqchi bo'layotgan transport vositalari bu tasmaga qayta tizilishlari kerak. Shuningdek, bunday joylarda yo'nalishli transport vositalarining harakatiga xalaqit bermaslik sharti bilan yo'lga chiqish, qatnov qismining chetki oʻng tomonida yo'lovchilarni chiqarish va tushirish uchun bu bo'lakka o'tishga ruxsat etiladi.

Izoh: YHQ 7-bobi 38-bandi: Tartibga soluvchining ishoralari quyidagi ma'noni bildiradi: Oʻng qo'li oldinga uzatilganda: chap yonidan tramvayga chapga, relssiz transport vositalariga barcha yo'nalishlarda; oldi tomonidan barcha transport vositalariga faqat oʻngga harakatlanishga ruxsat beriladi; orqa tomonidan va o'ng yonidan barcha transport vositalarining harakatlanishi taqiqlanadi; piyodalarga tartibga soluvchining orqa tomonida qatnov qismini kesib oʻtishga ruxsat etiladi.

Izoh: YHQ 11-bobi 79-bandi: Aholi punktlaridan tashqarida: yengil avtomobillarga va ruxsat etilgan to'liq vazni 3,5 tonnadan oshmaydigan yuk avtomobillariga tezlikni soatiga 100 kilometrdan oshirmasdan; shaharlararo qatnaydigan avtobuslarga va mikroavtobuslarga tezlikni soatiga 90 kilometrdan oshirmasdan; boshqa avtobuslar, tirkamali yengil avtomobillar, mototsikllar, elektromototsikllar ruxsat etilgan to'liq vazni 3,5 tonnadan ortiq bo'lgan yuk avtomobillariga tezlikni soatiga 80 kilometrdan oshirmasdan; tirkamali yuk avtomobillariga tezlikni soatiga 70 kilometrdan oshirmasdan harakatlanish ruxsat etiladi.

Izoh: YHQ 9-bobi 56-bandi: Haydovchi, aylanma harakatlanish tashkil qilingan chorrahalarga kirish uchun burilishdan boshqa barcha hollarda, haydovchi o'ngga, chapga burilishi yoki qayrilib olishdan oldinroq shu yo'nalishda harakatlanishi uchun mo'ljallangan qatnov qismining eng chetki holatni egallashi shart.

Izoh: Ishchi (asosiy) tormoz avtomobil harakatlanishi vaqtida doimiy foydalanishga mo'ljallangan va haydovchiga avtomobil harakatini har xil intensivlikda sekinlashtirish yoki uni toʻxtatish uchun xizmat qiladi. Toʻxtab turish tormozi avtomobilni uzoq muddatli to'xtash yoki to'xtab turish vaqtida o'z-o'zidan harakatlanib ketishidan saqlab qolish uchun mo'ljallangan.

Izoh: YHQ 28-bobi 166-bandi: Velosipedlar, individual harakatlanish vositalari, mopedlar, aravalar, miniladigan yoki yuk ortiladigan hayvonlarning yo'lning chetki o'ng bo'lagida imkoni boricha o'ng tomonidan bir qator bo'lib harakatlanishiga yo'l qo'yiladi. Agar piyodalarga xalaqit bermasa, yo'l yoqasidan harakatlanishga ham ruxsat etiladi. Yo'lning qatnov qismida harakatlanishda velosipedchilar, individual harakatlanish vositalari, aravalar jamlanmasi, miniladigan yoki yuk ortiladigan hayvonlar guruhlari va haydab ketilayotgan hayvonlar to'dasi yo'l harakati xavfsizligini ta’minlaydigan hamda ularni quvib o'tishni osonlashtiradigan guruhlarga bo'linishi kerak. Izoh: qatnov qismining chap bo'lagiga faqat chapga burilish va qayrilib olish uchun o'tishga ruxsat etiladi.