Bilet 35

Izoh: YHQ 29-bobi 180-bandining birinchi va ikkinchi xatboshlariga asosan, transport vositalarining texnik holatiga va ulardan foydalanishga javobgar bo'lgan mansabdor va boshqa shaxslarga quyidagilar taqiqlanadi: texnik nosoz, tegishli ruxsatsiz qayta jihozlangan, belgilangan tartibda roʻyxatdan o'tkazilmagan yoki davriy davlat texnik ko'rigidan oʻtkazilmaganligi tufayli foydalanish taqiqlangan transport vositalarini yoʻlga chiqarish; mastlik (giyohvandlik moddalar, alkogol va boshqalar) holatida yoki sezgirlik va e'tiborni susaytiradigan dori-darmonlar ta'sirida, yoʻl harakati xavfsizligiga tahdid soladigan charchoqlik yoki betoblik holatida, shuningdek tegishli toifadagi transport vositalarini boshqarish huquqi bo'lmagan, belgilangan muddatda tibbiy ko'rikdan oʻtmagan, transport vositalari egalarining Fuqarolik javobgarligini majburiy sug'urta qilish boʻyicha sug'urta polisi bo'lmagan shaxslarni transport vositasini boshqarishga qo'yish.

Izoh: YHQ 1-ilovasi 1-bo'limining yigirma sakkizinchi xatboshisiga asosan: 1.23. «Ta'mirlash ishlari». YHQ 1-ilovasi 7-bo'limining yigirma beshinchi xatboshisiga asosan: 7.12. «Xavfli yo'l yoqasi». Yo'l ishlari bajarilayotgani sababli yoʻl yoqasiga chiqish xavfli ekanligi haqida ogohlantiradi. 1.23 belgisi bilan qo'llaniladi.

Izoh: YHQ 2-ilovasi 1-boʻlimining sakkizinchi xatboshisiga asosan: 1.6 (yaqinlashish chizigʻi — har bir chiziq uzunligi ular orasidagi masofadan uch barobar katta bo'lgan uzuq-uzuq chiziq) — qarama-qarshi yoki bir yoʻnalishda harakatlanayotgan transport vositalari oqimlarini ajratuvchi 1.1 yoki 1.11 chizig'iga yaqinlashayotganlik haqida ogohlantiradi.

Izoh: YHQ 17-bobi 114-bandiga asosan: Agar yo'lovchilarni tushirish yoki chiqarish qatnov qismida yoki unda joylashgan maydonchada amalga oshirilayotgan bo'lsa, haydovchi bekatda to'xtagan yo'nalishli transport vositasi eshiklari tomon borayotgan yoki undan kelayotgan piyoda(lar)ga yo'l berishi kerak.

Izoh: YHQ 15-bobi 101-bandining birinchi xatboshisiga asosan: Agar svetofor yoki tartibga soluvchining ishoralari tramvay va relssiz transport vositalariga bir vaqtda harakatlanishga ruxsat bersa, harakatlanish yo'nalishidan qat'i nazar, tramvay oldin o'tish huquqiga ega bo'ladi.

Izoh: YHQ 15-bobi 103-bandiga asosan: Svetoforning ruxsat etuvchi ishorasi yonganda haydovchi chorraha orqali harakatlanishni tugallayotgan transport vositalari va qatnov qismidan tegishli yoʻnalishda o'tishni tugallayotgan ртуода (Гаг)да yo'l berishi shart.

Izoh: YHQ: v) yuk avtomobillari, Yo'l harakati qoidalarida belgilangan ayrim istisnolardan tashqari barcha holatlarda, yo'lning faqat o'ng qatnov qismidan harakatlanishi shart.

Izoh: YHQ 1-ilovasi 3-bo'limi 3.24 belgi talabiga asosan, «Yuqori tezlik cheklangan» belgisi transport vositalarining yuqori tezligini cheklaydi.

Izoh: Haydovchi tormoz pedalini bosgandan boshlab avtomobilni to'xtaguncha bosib oʻtgan yo'liga - “tormoz yo'li” deyiladi.

Izoh: YHQ 27-bobi 164-bandining birinchi xatboshisiga asosan: O'ta og'ir, katta o'lchamli va xavfli yuklarni tashishda gabarit oʻlchamlari yukli yoki yuksiz holda eni bo'yicha 2,55 (refrijeratorlar va izotermik kuzovlar uchun — 2,6) metrdan va balandligi boʻyicha yo'l sathidan 4 metrdan, uzunligi boʻyicha yakka avtotransport vositasi uchun — 12 metrdan, tirkama uchun — 12 metrdan, yarimtirkamali avtopoezd uchun — 20 metrdan, tirkamali avtopoezd uchun — 20 metrdan ortiq boʻlgan yoki yuki transport vositasining oldi va orqa nuqtasidan 2 metrdan ortiq chiqib turgan transport vositalarining harakatlanishi belgilangan tartibda DYHXX bilan kelishilgan bo'lishi kerak.