Bilet 15

Izoh: YHQ 1-ilovasi 2-bo'lim sakkizinchi va toʻqqizinchi xatboshlariga asosan: 2.5. «To'xtamasdan harakatlanish taqiqlangan». To'xtash chizigʻi oldida, agar u boʻlmasa, kesib o'tiladigan qatnov qismining chetida to'xtamasdan harakatlanish taqiqlanadi. Haydovchi kesib o'tilayotgan yo'ldan, asosiy yo'ldan harakatlanayotgan transport vositalariga yo'l berishi kerak. Bu belgi temir yo'l kesishmasi yoki karantin maskanidan oldin o'rnatilishi mumkin. Bunday hollarda haydovchi to'xtash chizig'i oldida, u bo'lmasa, belgi oldida to'xtashi kerak.

Izoh: YHQ 1-ilovasi 3-Bо'limining yigirma birinchi va qirq ikkinchi xatboshlariga asosan: 3.18.1. «O'ngga burilish taqiqlangan» yo'l belgisi hisoblanadi. 3.18.1 belgisi qatnov qismlarining qaysi kesishmasi oldiga o'rnatilsa, shu kesishmaga tatbiq etiladi.

Izoh: YHQ 2-ilovasi 1-bo'limining oltinchi xatboshisiga asosan: 1.4 — to'xtash taqiqlangan joyni bildiradi. Yakka holda yoki 3.27 «To'xtash taqiqlangan» yo'l belgisi bilan qo'llaniladi hamda yo'lning qatnov qismi chetiga yoki yo'l chetidagi to'siq ustidan chiziladi.

Izoh: YHQ 7-bobi 38-bandiga asosan, O'NG QO'LI OLDINGA UZATILGANDA, chap yonidan tramvayga chapga, relssiz transport vositalariga barcha yo'nalishlarda, oldi tomonidan barcha transport vositalariga faqat o'ngga harakatlanishga ruxsat etiladi. Orqa tomonidan va o'ng yonidan barcha transport vositalarining harakatlanishi taqiqlanadi. Piyodalarga tartibga soluvchining orqa tomonidan qatnov qismini kesib o'tishga ruxsat etiladi.

Izoh: YHQ 16-bobi 104-bandiga asosan, teng ahamiyatga ega boʻlmagan yo'llar kesishgan chorrahada, keyingi harakat yoʻnalishidan qat'i nazar, asosiy yoʻldan kelayotgan transport vositasiga ikkinchi darajali yo'ldan kelayotgan transport vositasining haydovchisi yoʻl berishi kerak. YHQ 16-bobi 107-bandiga asosan, chapga burilishda yoki qayrilib olishda relssiz transport vositasining haydovchisi teng ahamiyatli yo'lda qarama-qarshi yo'nalishdan to'g'riga yoki o'ngga harakatlanayotgan, shuningdek, ruxsat etilgan hollarda quvib o'tayotgan transport vositalariga yo'l berishi shart. Bu qoidaga tramvay haydovchilari ham o'zaro amal qilishlari kerak.

Izoh: YHQ 8-bobi 46-bandining ikkinchi xatboshisiga asosan: Ishoralar boshqa yo'l harakati ishtirokchilarini chalg'itmasligi kerak.

Izoh: Quvib o'tish — bir yoki bir nechta transport vositalarini qarama-qarshi yoʻnalishda harakatlanish uchun mo'ljallangan tasmaga chiqib, soʻngra ilgari egallagan qatoriga qaytib o'tish bilan bogʻliq bo'lgan o'zib ketish.

Izoh: YHQ 13-bobi 95-bandiga asosan: Transport vositasining o'z-o'zidan harakatlanib ketishini yoki oʻzi yoʻqligida undan foydalanishni istisno qiladigan zarur ehtiyot choralarini ko'rgandan keyingina haydovchi o'z joyini tashlab ketishi yoki transport vositasini qoldirishi mumkin.

Izoh: Son suyagi singan holda ikkita taxtakach: biri - tashqari tarafda oyoq kaftidan to qo'ltiqosti chuqurigacha, boshqasi - ichki tarafda oyoq kaftidan to chovgacha qo'yiladi. Son suyagi singan holda immobilizatsiya vositasi boʻlmasa, shikastlangan oyoq sog' oyoqqa mahkamlanib qo'yiladi. Mahkamlovchi bog'ich singan suyakni siljitmasligi va jabrlanuvchiga qo'shimcha og'riq yetkazmasligi lozim. Mahkamlovchi bog'ich oyoqning sog' qismiga bog'lanadi.

Izoh: YHQ 3-ilovasi 1-boʻlimining 1.6-bandiga asosan, toʻxtab turish tormoz tizimi transport vositalarini quyidagi joylarda harakatsiz holatda ushlab tura olmasa: M toifa uchun 25 foizdan kam bo'lsa foydalanish taqiqlanadi. Izoh: Toʻxtab turish tormoz tizimi sinovdan o'tkazilayotgan dvigatel transmissiyadan ajratilgan bo'lishi kerak.