Bilet 66

Izoh: YHQ 12-bobi 86-bandiga asosan: Quvib o'tish quyidagi hollarda taqiqlanadi: tartibga solingan chorrahalarda; tartibga solinmaydigan chorrahalarda asosiy hisoblanmaydigan yo'llarda harakatlanishda; ko'priklarda, yo'l o'tkazgichlarda, estakadalarda va ularning ostida; piyodalar o'tish joylarida; temir yo'l kesishmalarida va ulargacha 100 metrdan kam masofa qolganda; quvib yoki aylanib o'tayotgan transport vositalarini; tepalikning oxirida va yo'lning ko'rinishi cheklangan joylarida; 3.20 va 3.22 yo'l belgilari ta’sir oralig'ida.

Izoh: YHQ 1-ilovasi 7-bo'limining oʻn to'qqizinchi xatboshisiga asosan: 7.6.2. «Transport vositasini to'xtab turish joyiga qo'yish usuli». 7.6.2 trotuar yonidagi toʻxtab turish joyiga yengil avtomobillar va mototsikllarni qo'yish usulini bildiradi.

Izoh: YHQ 1-ilovasi 5-boʻlimining to'rtinchi xatboshisiga asosan: 5.3. «Avtomobillar uchun mo'ljallangan yo'l». Faqat avtomobillar, avtobus hamda mototsikllar, elektromototsiklar, mopedlar va skuterlarning harakatlanishi uchun mo'ljallangan yo'lni bildiradi.

Izoh: YHQ 16-bobi 105-bandiga asosan: Teng ahamiyatga ega bo'lgan yo'llar kesishgan chorrahada relssiz transport vositasining haydovchisi o'ngdan kelayotgan transport vositalariga yo'l berishi shart.

Izoh: YHQ 7-bobi 35-bandiga asosan: Qatnov qismidagi harakat yoʻnalishi qarama-qarshi tomonga o'zgarishi mumkin boʻlgan tasmalarida transport vositalarining harakatini tartibga solish uchun X-simon qizil ishorali va pastga yo'nalgan yo'naltirgich ko'rinishidagi yashil ishorali reversiv svetoforlar qo'llaniladi. Bu ishoralar qaysi tasma ustiga o'rnatilgan bo'lsa, unda harakatlanishni taqiqlaydi yoki ruxsat beradi. Ikki tomoni 1.9 chizig'i bilan belgilangan tasma ustiga o'rnatilgan ishoralari oʻchirilgan reversiv svetofor shu tasmaga kirishni taqiqlaydi.

Izoh: YHQ 21-bobi 128-bandiga asosan: Yo'lning 1.13 ма 1.14 yo'l belgilari bilan belgilangan qiyaliklarida, qarama-qarshi yo'nalishlarda harakatlanishni qiyinlashtiradigan biron-bir to'siq boʻlsa, nishablikka harakatlanayotgan transport vositasining haydovchisi yoʻl berishi kerak.

Izoh: YHQ 2-ilovasi 1-bo'limining oʻn birinchi, o'ttiz oltinchi va oʻttiz yettinchi xatboshlariga asosan: 1.9 — reversiv harakat tashkil etilgan bo'laklarning chegarasini belgilaydi; reversiv harakatlanish amalga oshirilgan yo'llarda (reversiv svetofori o'chirilgan holatda) qarama-qarshi yo'nalishdagi transport oqimini ajratadi; Reversiv svetofor yoqilgan paytda bir yo'nalishli tasmalarni ajratayotgan 1.9 chizig'ini istalgan tomondan bosib o'tishga ruxsat etiladi. Reversiv svetofor o'chirilganda, haydovchilar darhol 1.9 chizig'idan o'ngga qayta tizilishlari kerak. Reversiv svetofor o'chirilgan bo'lsa, qarama-qarshi yo'nalishdagi transport oqimlarini ajratuvchi 1.9 chizig'ini bosib o'tish taqiqlanadi.

Izoh: YHQ 11-bobi 81-bandiga asosan, haydovchilarga quyidagilar taqiqlanadi: tezlikni mazkur transport vositasining texnik tavsifnomasida ko'rsatilgan eng yuqori tezlikdan oshirish; tezlikni transport vositasiga o'rnatilgan «Tezlik cheklangan» taniqlik belgisida ko'rsatilganidan oshirish; zaruriyat bo'lmaganda juda past tezlikda harakatlanib, boshqa transport vositalariga xalaqit berish; yo'l-transport hodisasining oldini olish zaruriyati bo'lmaganda keskin tormoz berish.

Izoh: Shikastlangan qol yoki oyoqni majburiy harakatga solmasdan kiyim yechish imkonini yaratish uchun avval shikastlanmagan, so'ngra shikastlangan qoʻl yoki oyoqdan ehtiyotlik bilan yechiladi.

Izoh: YHQ 28-bobi 168-bandining yettinchi xatboshisiga asosan, velosipedchilar va individual harakatlanish vositalarini boshqarayotgan shaxslarga quyidagilar taqiqlanadi: Velosipedlarni va individual harakatlanish vositalarini shatakka olish, shuningdek, ulardan shatakka olishda foydalanish taqiqlanadi (velosipedga mo'ljallangan tirkamalarni shatakka olish bundan mustasno).