Bilet 2

Izoh: YHQ 6-bobi 28-bandiga asosan: Zarg'aldoq yoki sariq rangli yalt-yalt etuvchi mayoqchalar transport vositalarida quyidagi hollarda yoqilgan bo'lishi kerak: yoʻlda qurilish, ta'mirlash yoki tozalash ishlari olib borilayotganda, shuningdek, shikastlangan, nosoz transport vositalarini ortishda, tashishda; yo'l harakatida qatnashayotgan, gabarit o'lchamlari ushbu Qoidalarning 164-bandida belgilangandan ortiq bo'lgan, shuningdek, og'ir vazn va katta hajmli hamda xavfli yuklarni tashiyotgan transport vositalarini kuzatib borishda; portlovchi, tez alangalanadigan, radioaktiv moddalarni va zaharli darajasi o'ta yuqori bo'lgan moddalarni tashishda; umumiy foydalanishdagi transport vositasi yo'llarida velosipedchilarning tashkiliy jamlanmasini kuzatib borishda. Yoqilgan zarg'aldoq va (yoki) sariq rangli mayoqcha harakatlanishda imtiyoz bermaydi va yo'l harakatining boshqa qatnashchilarini faqat xavf haqida ogohlantiradi.

Izoh: YHQ 1-ilovasi 3.2. bandi: «Harakatlanish taqiqlangan». Barcha transport vositalarining harakatlanishi taqiqlanishini bildiradi. 7.3.1— 7.3.3. «Ta'sir yo'nalishlari». Chorraha oldida oʻrnatilgan belgining ta'sir yoʻnalishini yoki bevosita yoʻl yaqinida joylashgan manzillarga harakatlanish yoʻnalishini ko'rsatadi.

Izoh: YHQ 2-ilovasi: 1.21 («STOP» — Toʻxtang! yozuvi) — 2.5 belgisi bilan birga qo'llanilganda haydovchini 1.12 chizig'iga yaqinlashayotganligi haqida ogohlantiradi.

Izoh: YHQ 19-bobi 121-bandi: Avtomagistrallarda quyidagilar taqiqlanadi: piyodalar, uy hayvonlari, ot-aravalar, velosipedlar, individual harakatlanish vositalari, skuterlar, mopedlar, traktorlar va o'ziyurar uskunalar, texnik tavsifnomasiga yoki holatiga ko'ra tezligi soatiga 40 kilometrdan kam bo'lgan transport vositalarining harakatlanishi; yuk avtomobillariga yo'lning chetki chap qatorida harakatlanishi; 5.15 yoki 6.11 yo'l belgilari bilan belgilangan maxsus to'xtab turish maydonchalaridan boshqa joylarda to'xtash; ajratuvchi mintaqaning texnologik uzilish joylariga kirish va ularda qayrilib olish; orqaga harakatlanish; transport vositasini o'rganish uchun boshqarish.

Izoh: YHQ 7-bobi 38-bandiga asosan, tartibga soluvchining o'ng qo'li oldinga uzatilganda: chap yonidan tramvayga chapga, relssiz transport vositalariga barcha yo'nalishlarda; oldi tomonidan barcha transport vositalariga faqat o'ngga harakatlanishga ruxsat beriladi; orqa tomonidan va o'ng yonidan barcha transport vositalarining harakatlanishi taqiqlanadi; piyodalarga tartibga soluvchining orqa tomonida qatnov qismini kesib o'tishga ruxsat etiladi.

Izoh: YHQ 15-bobi 100-bandiga asosan: Svetoforning qizil yoki sariq ishorasi bilan bir vaqtda yongan qoʻshimcha tarmoqning yo'naltirgichli yashil ishorasi yo'nalishida harakatlanayotgan transport vositasining haydovchisi boshqa yo'nalishlarda harakatlanayotgan transport vositalariga yo'l berishi kerak.

Izoh: YHQ 9-bobi 63-bandiga asosan: Transport vositasini orqaga harakatlantirishda haydovchi yo'l harakati xavfsizligini ta'minlashi va boshqa yo'l harakati qatnashchilariga xalaqit bermasligi shart. Zarurat tug'ilganda haydovchi boshqa shaxslarning yordamidan foydalanishi kerak.

Izoh: YHQ 10-bobi 65-bandiga asosan: Toʻrt va undan ortiq tasmali, harakat ikki tomonlama bo'lgan yo'llarda qarama-qarshi yo'nalishda harakatlanish uchun mo'ljallangan tasmalarga chiqish taqiqlanadi. YHQ 2-ilovasi 1-bobi beshinchi va o'ttiz toʻrtinchi xatboshlariga asosan: 1.3 — to'rt va undan ortiq harakatlanish tasmasi boʻlgan yo'llarda qarama-qarshi yo'nalishdagi transport vositalari oqimini ajratadi; 1.3 yotiq chizig'ini bosib o'tish taqiqlanadi.

Izoh: Egri yoʻl (burilish)da harakatlanayotgan avtomobilda markazdan qochirma kuch vujudga keladi. Burilish o'ng tomonga boʻlgan holda siz qarama-qarshi yoʻnalishda harakatlanish bo'lagiga, chap tomonga boʻlsa, yoʻl yoqasi yoki uning tashqarisiga chiqib ketishingiz ehtimoli mavjud. Uzatma ajratilgan holatda avtomobil oʻzi harakatlanib, uni boshqarish murakkablashadi. Shu bois, burilishga yaqin masofa qolganda, uning tikligini va tezligingizni baholab, uzatma mexanizmini ajratmay harakatni davom ettiring.

Izoh: YHQ 3-ilovasi 1-bo'limining 1.3 va 1.4-bandlariga asosan, transport vositalaridan foydalanish taqiqlanadi: Gidravlik tormoz yuritmasining zichligi (germetikligi) buzilgan boʻlsa. Dvigatel ishlamay turganda pnevmatik yoki pnevmogidravlik tormoz yuritmasining zichligini buzilishi, boshqaruv qismlari ulanmaganda — 30 daqiqada, ulanganida — 15 daqiqada tizimdagi havo bosimini 0,05 MP dan Ко"рда pasayishiga sabab bo'lsa, g'ildiraklardagi tormoz kameralaridan siqilgan havo chiqayotgan bo'lsa. YHQ 2-bobi 12-bandining uchinchi xatboshisiga asosan: tormoz tizimi, rul boshqaruvi ishlamayotgan, ulagich moslamasi (avtopoezd tarkibida) nosoz bo'lgan, qorong'i vaqtda yoki yetarlicha ko'rinmaydigan sharoitda — old chiroqlar va orqa gabarit chiroqlari boʻlmagan yoki yonmayotgan, yomg'ir, qor yogʻayotgan vaqtda haydovchi tomonidagi oyna tozalagich ishlamayotgan transport vositalarini boshqarish taqiqlanadi.