Bilet 26

Izoh: YHQ 24-bobi 145-bandining oltinchi xatboshisiga asosan, shatakka olish quyidagi holatlarda taqiqlanadi: yo'l yaxmalak, sirpanchiq bo'lgan hollarda egiluvchan ulagichda.

Izoh: YHQ 1-ilovasi 3-bo'limining yigirma oltinchi xatboshisiga asosan: 3.22. «Yuk avtomobillarida quvib o'tish taqiqlangan». Toʻla vazni 3,5 tonnadan ortiq boʻlgan yuk avtomobillarida barcha transport vositalarini quvib oʻtish taqiqlanishini bildiradi. (soatiga 40 km dan kam tezlikda harakatlanayotgan transport vositasi, traktor, ot-arava, velosiped bundan mustasno).

Izoh: YHQ 2-ilovasi 1-bo'limining oʻn birinchi xatboshisiga asosan: 1.9 — reversiv harakat tashkil etilgan bo'laklarning chegarasini belgilaydi; reversiv harakatlanish amalga oshirilgan yo'llarda (reversiv svetofori o'chirilgan holatda) qarama-qarshi yoʻnalishdagi transport oqimini ajratadi.

Izoh: YHQ 18-bobi 118-bandining yettinchi va sakkizinchi xatboshlariga asosan, temir yoʻl kesishmasiga quyidagi hollarda kirish taqiqlanadi: kesishma oldida turgan transport vositalarini qarama-qarshi harakatlanish bo'lagiga chiqib aylanib oʻtish; shlagbaumni o'zboshimchalik bilan ochish.

Izoh: YHQ 16-bobi 105-bandiga asosan: Teng ahamiyatga ega bo'lgan yo'llar kesishgan chorrahada relssiz transport vositasining haydovchisi опддап kelayotgan transport vositalariga yo'l berishi shart.

Izoh: YHQ 10-bobi 73-bandiga asosan: Haydovchi o'zidan oldinda harakatlanayotgan transport vositasi keskin tormoz berganida toʻqnashib ketmaslik kafolatini beradigan darajadagi oraliq masofani, shuningdek yo'l harakati xavfsizligini ta'minlaydigan yonlama oraliq masofani saqlashi kerak.

Izoh: YHQ 12-bobi 82-bandiga asosan, haydovchi quvib oʻtishni boshlashdan oldin: o'zi oʻtmoqchi bo'lgan harakatlanish bo'lagi quvib oʻtish uchun yetarlicha masofada boʻsh ekanligiga, quvib o'tish jarayonida harakatlanishga xavf tug'dirmasligiga va boshqa harakat qatnashchilariga xalaqit bermasligiga; shu tasmada orqada harakatlanayotgan transport vositasi quvib o'tishni boshlamaganligiga; oldinda harakatlanayotgan transport vositasi quvib o'tish, chapga burilish (qayta tizilish) ishorasini bermayotganligiga; quvib oʻtishni tugallayotganda quvib o'tilayotgan transport vositasiga xalaqit bermasdan ilgari egallagan qatorga qaytib oʻta olishiga ishonch hosil qilishi shart.

Izoh: YHQ 8-bobi 51-bandiga asosan: Transport vositasi to'satdan to'xtab qolganda, zudlik bilan avariya yorug'lik ishorasini yoqish, agar u ishlamasa, avariya sababli to'xtash belgisini darhol o'rnatish kerak. Avariya sababli to'xtash belgisi quyidagi hollarda qo'llaniladi: yo'l-transport hodisasi sodir bo'lganda; to'xtash taqiqlangan joylarda va ko'rinishi cheklangan joylarda majburiy to'xtaganda; Ushbu belgi boshqa haydovchilarni xavfli vaziyat haqida o'z vaqtida ogohlantirish imkonini beradigan masofada o'rnatilishi kerak. Bu masofa aholi punktlarida transport vositasidan 15 metr, aholi punktlaridan tashqaridagi joylarda esa 30 metrdan kam bo'lmasligi kerak.

Izoh: Inersiya kuchi ta'siri ostida avtomobilni tormozlash vaqtida o'qlarga tushadigan inersiya kuchi miqdorining taqsimlanishi o'zgaradi. Natijada old oʻqqa og'irlik ko'payadi, orqa o'qqa nisbatan kamayadi. Tormozlash intensivligi qanchalik baland bo'lsa, o'qlarga tushadigan og'irlik miqdorining taqsimlanishi sezilarliroq bo'ladi. Orqa o'qda og'irlik kamayishi bilan g'ildirakni yoʻlga bosish kuchi kamayadi: shunday ekan g'ildirakning sirpanish (aylanmasdan siljish) va avtomobilning sirilib ketishi ehtimoli yuzaga keladi. Old o'qda og'irlik koʻpayishi g'ildirakni yoʻlga bosish kuchini ko'paytiradi, shunda sirpanish ehtimoli kamayadi.

Izoh: YHQ 3-ilovasi 3-bo'limining 3.1-bandiga asosan: Tashqi yoritqichlar soni, turi, joylashuvi va ishlash tartibi transport vositasining konstruksiyasi talabiga mos kelmasa. Ishlab chiqarilishi toʻxtatilgan yengil avtomobillarga boshqa turdagi va rusumdagi transport vositalarining tashqi yoritqichlarini oʻrnatishga ruxsat etiladi.